کراچی (ٹیک ڈیسک): دنیا بھر میں سب سے زیادہ استعمال کی جانے والی سوشل میڈیا ایپ واٹس ایپ نے کمپیوٹر یا لیپ ٹاپ کے لیے نئی واٹس ایپ ایپلی کیشن متعارف کرادی جس سے گروپ کالز کرنا ممکن ہوسکیں گی۔فیس بک اور پیرنٹ کمپنی میٹا پلیٹ فارم کے شریک بانی مارک زکربرگ نے فیس بک پر اعلان کیا کہ ونڈوز کمپیوٹرز اور لیپ ٹاپ کے لیے نئی ایپ متعارف کرا دی ہے، اس نئے ورژن میں کالنگ فیچرز کا اضافہ کیا گیا ہے، پرانی ایپلی کیشن کے مقابلے میں نئے ایپ کی کارکردگی بھی بہتر بنایا گیا ہے۔جبکہ ٹوئٹر بلیو ٹک کی سبسکرپشن بھی یکم اپریل سے بلیو ٹکس کی سہولت فراہم ہوجائے گی۔
اب صارفین کا اگر آپ کا فون بند بھی ہوجائے تب بھی واٹس ایپ استعمال کرسکتے ہیں۔نئی ڈیسک ٹاپ ایپ میں اب 8 افراد کے ساتھ ویڈیو کالز اور 32 افراد کے ساتھ آڈیو کالز کرنا ممکن ہوگا، کمپنی کا کہنا ہے کہ مستقبل میں ویڈیو کالنگ کے لیے لوگوں کی تعداد میں اضافہ کیا جائے گا۔
👨💻 We're excited to introduce a brand 🆕 faster WhatsApp app for Windows desktop, that now includes group video and audio calls.
Stay synced and encrypted regardless of what device you're using.
Download here: https://t.co/RtDkjmZCqk
— WhatsApp (@WhatsApp) March 23, 2023
کمپنی کا کہنا ہے کہ کمپیوٹر یا لیپ ٹاپ کے ڈیسک ٹاپ پر واٹس ایپ ایپلی کیشن استعمال کرتے ہوئے گروپ کالز میں شامل ہونا آسان ہو جائے گا۔ڈیسک ٹاپ کے لیے نئے واٹس ایپ ایپلی کیشن کو ڈاؤن لوڈ کرنے کے لیے واٹس ایپ کے ٹوئٹر اکاؤنٹ میں دیے لنک پر کلک کریں۔
اس سے قبل کمپنی نے مزید 2 نئے فیچرز متعارف کروائے تھے، پہلے فیچر میں کسی واٹس ایپ گروپ میں شامل افراد کی تعداد میں ڈبل اضافہ کیا گیا ہے، گروپس کے اراکین کی تعداد 512 سے بڑھ کر 1024 کیے جانے کا اعلان کیا گیا تھا۔دوسرا ’وائس اسٹیٹس‘ کا فیچر پیش کیا گیا تھا جس سے وائس نوٹ کے ذریعے واٹس ایپ اسٹیٹس لگاسکیں گے۔
جبکہ مائیکرو بلاگنگ پلیٹ فارم ٹوئٹر کی سبسکرپشن سروس ٹوئٹر بلیو کو بھی پاکستان میں متعارف کرا دیا گیا ہے، صارفین اب ماہانہ فیس کے عوض ٹوئٹر اکاؤنٹ پر بلیو ٹِک حاصل کر سکتے ہیں۔
جو صارفین اگلے ہفتے تک ٹوئٹر بلیو ٹک کی سبسکرپشن حاصل نہیں کریں گے انہیں یکم اپریل سے بلیو ٹکس کی سہولت فراہم نہیں کی جائے گی۔
یاد رہے کہ ٹوئٹر کے بانی ایلون مسک نے 2022 میں ٹوئٹ کے ذریعے سبسکرپشن پلان سمیت کئی نئی پالیسیوں کا اعلان کیا تھا، انہوں نے کہا تھا کہ ٹوئٹر پر جعلی مصدقہ اکاؤنٹس کی بھرمار ہے جس کی وجہ سے آنے والے مہینوں میں انہیں معطل کردیا جائے گا۔
On April 1st, we will begin winding down our legacy verified program and removing legacy verified checkmarks. To keep your blue checkmark on Twitter, individuals can sign up for Twitter Blue here: https://t.co/gzpCcwOpLp
Organizations can sign up for https://t.co/RlN5BbuGA3…
— Twitter Verified (@verified) March 23, 2023
صارفین کے ٹوئٹر اکاؤنٹس اب تین مختلف رنگوں میں تصدیق شدہ ہیں، کمپنیوں کے لیے گولڈن چیک مارک، حکومتی عہدیداروں کے لیےگرے چیک مارک اور دیگر صارفین (مشہور شوبز شخصیات کے لیے بھی) بلیو چیک مارک متعارف کرایا گیا تھا۔
تاہم اب اعلان کیا گیا ہے کہ ٹوئٹر بلیو کی سبسکرپشن سروس کو پاکستان میں بھی متعارف کرا دیا گیا ہے، پاکستانی صارفین پیسوں کے عوض ٹوئٹر اکاؤنٹ پر بلیو ٹک حاصل کر سکتے ہیں۔
Twitter Blue is now available globally! Sign up today to get your blue checkmark, prioritized ranking in conversations, half ads, long Tweets, Bookmark Folders, custom navigation, Edit Tweet, Undo Tweet, and more. Sign up here: https://t.co/SBRLJccMxD
— Twitter Blue (@TwitterBlue) March 23, 2023
پاکستان میں صارف 2 ہزار 250 روپے ماہانہ اور سالانہ فیس ادا کرنے پر کمپنی کی جانب سے 12 فیصد رعایت دی جائے گی۔
سبسکرپشن سروس کا حصہ بننے پر بلیو چیک مارک، طویل ویڈیوز کو پوسٹ کرنے، نئے فیچرز تک سب سے پہلے رسائی، ٹوئٹ کو ایڈٹ کرنے، 1080 پکسل کی ویڈیو اپ لوڈ سمیت دیگر سہولیات صارفین کو دستیاب ہوں گی۔
یاد رہے کہ اس سے قبل ٹوئٹر کی جانب سے 20 مارچ سے دنیا بھر میں دو عنصری تصدیقی عمل (two factor authentication) فیچر مفت میں ختم کردیا گیا تھا۔
ٹوئٹر بلیو صارفین یعنی ماہانہ فیس ادا کرنے والے مذکورہ فیچر کو استعمال کر سکیں گے۔
