(ویب ڈیسک ):شنگھائی تعاون تنظیم کا اجلاس آج سے بھارت کے شہر گوا میں ہوگا۔اجلاس میں شرکت کے لیے وزیر خارجہ بلاول بھٹو آج بھارت جائیں گے جس کیلئے پاکستان سول ایوی ایشن اتھارٹی نے بھارتی سول ایوی ایشن اتھارٹی سے رابطہ کر لیا۔
گووا میں شنگھائی تعاون تنظیم کا اجلاس، بلاول کل بھارت روانہ ہوں گے
بھارت نے بلاول بھٹو کے طیارے کے لیے کراچی سے گوا کا روٹ دے دیا، اجلاس میں شرکت سے قبل وزیر خارجہ نے سیاسی قائدین سے رابطے کیےاورانہیں اعتماد میں لیا ۔
وزیر خارجہ نے امیر جماعت اسلامی سراج الحق، جے یو آئی کے امیر مولانا فضل الرحمان اور ایم کیو ایم کے کنوینر خالد مقبول صدیقی کو فون کر کے گوا کانفرنس پر مشورے لیے جب کہ بی این پی کے اختر مینگل ، بی اے پی کے خالد مگسی اور نیشنل پارٹی کے طاہر بزنجو سے بھی مشورہ کیا۔
