پڈ عیدن (ویب ڈیسک): پڈعیدن کے قریب علامہ اقبال ایکسپریس کی 2 بوگیاں پٹری سے اترگئیں۔ریلوے حکام کے مطابق کراچی سے سیالکوٹ جانے والی علامہ اقبال ایکسپریس کی 2بوگیاں پڈعیدن کے قریب پٹری سے اترگئیں جس کی وجہ سے اپ ٹریک بند ہو گیا۔
ریلوے حکام کا کہنا ہے کہ حادثے میں کوئی جانی نقصان نہیں ہوا۔
ریلوے حکام کے مطابق روہڑی سے ریلیف ٹرین جائے حادثہ پہنچ گئی ہے، علامہ اقبال ایکسپریس کے اگلے حصے کو ڈی ریل بوگیوں سے الگ کر کے بھریا روڈ اسٹیشن پہنچا دیا گیا ہے۔
ڈی ایس ریلوے کا کہنا تھا کہ کراچی سے پنجاب جانے والی دیگر ٹرینوں کو مختلف اسٹیشن پر روک دیا گیا ہے۔
