میساچوسیٹس (ویبڈیسک): امریکا میں 20 برسوں سے ایک ہی دکان سے لاٹری کا ٹکٹ لینے والے شخص نے بالآخر 10 لاکھ ڈالر کی لاٹری جیت لی۔میساچوسیٹس سے تعلق رکھنے والے ولیم لیلی نے بتایا کہ وہ روزِنڈیل فوڈ مارٹ سے گزشتہ 20 برسوں سے لاٹری ٹکٹ خرید رہے تھے۔
بالآخر انہیں ان کی ثابت قدمی کا صبر ملا، انہوں نے 20 ڈالر مالیت کا 50 لاکھ ڈالر 100 ایکس کیش ورڈ ٹکٹ خریدا اور اس کو کھرچنے پر 10 لاکھ ڈالر کا انعام پایا۔
ولیم لیلی نے انعامی رقم یک مشت وصول کی جبکہ ان کے من پسند اسٹور کو انعامی ٹکٹ کی فروخت پر 10 ہزار ڈالر کا بونس بھی ملا۔
