کراچی (ویب ڈیسک): متحدہ عرب امارات (یو اے ای)اور چین نے اسرائیلی وزیر کے مسجد اقصیٰ کا دورہ کرنے پر اقوام متحدہ کی سلامتی کونسل کا اجلاس بلانے کا فیصلہ کیا ہے ۔
خبر رساں ایجنسی “رائٹرز “کے مطابق سلامتی کونسل کا اجلاس کل بلائے جانے کا امکان ہے ، سلامتی کونسل کو کہا گیا ہے کہ اسرائیلی وزیرکے مسجد اقصیٰ جانے سے اشتعال انگیزی میں اضافہ ہو گا، مذہبی جگہ پر جانے سے اشتعال انگیزی اور تنازع میں خطرناک اضافہ ہو گا، دوسری جانب ترکیہ نے اسرائیل سے خطے میں کشیدگی بڑھانے والے عوامل کو روکنے کا مطالبہ بھی کیا ہے ۔
واضح رہے کہ اسرائیل کے قومی سلامتی کے وزیر “اتمار بن گویر “نے منگل کے روز یروشلم میں مسجد اقصیٰ کے احاطے کا مختصر دورہ کیاتھا۔
