میامی (ویب ڈیسک): امریکی ریاست فلوریڈا میں ہائی اسکول کے طالب علموں سےموت کا تعزیت نامہ لکھوانے اور ملک میں فائرنگ کے بڑھتے ہوئے واقعات سے متعلق اسائمنٹ دینے پر ٹیچر کو نوکری سے فارغ کردیا گیا۔غیر ملکی خبر رساں ادارے اے ایف پی کی رپورٹ کے مطابق فلوریڈا کے شہر میامی کے اورنج کاؤنٹی اسکول ڈسٹرکٹ نے بیان میں کہا ہے کہ ٹیچر نے تشدد سے متعلق نامناسب اسائنمنٹ دیا تھا جس کی وجہ سے انہیں اسکول سے برطرف کردیا گیا ہے۔
Florida teacher fired for asking students to pen obituaries for active shooter drill: Jeffrey Keene says he has no regrets about the assignment, casting a spotlight on decisions made in state's public education systemA Florida teacher who was fired f.. https://t.co/JAbsveUC4B
— Top U.S. & World News🗽 (@USRealityCheck) April 9, 2023
برطرف ہونے والے اسکول کے سینئر استاد جیفری کینی نے فیس بک پر اسائنمنٹ کی کاپی شیئر کی جس میں طلبہ سے سوال کیا گیا کہ تصور کریں کہ آج آپ کا دنیا میں زندہ رہنے کا آخری دن ہے تو آپ موت سے متعلق کیا لکھیں گے؟
Thoughts?
I had this same assignment in my 10th grade English class.
I wrote how “my bass string snapped on stage, slicing my throat”
Really had a dark imagination back then.https://t.co/BTHvwvKmpz
— Dylan Sharpe (@RZRshrpe) April 7, 2023
اسائنمنٹ میں طلبہ سے مزید پوچھا گیا کہ ’سوچیں امریکا میں بڑے پیمانے پر فائرنگ کے واقعات میں اضافہ کیوں ہو رہا ہے اور اس بات پر غور کریں کہ ایسے واقعات کم کرنے کے لیے ہم کس قسم کے اقدامات کر سکتے ہیں؟‘
اسائنمنٹ کے آخر میں نوٹ لکھا گیا کہ یہ سوالات کرنے کا مقصد کسی کو پریشان کرنا نہیں ہے تاہم چند طلبہ نے اسکول کاؤنسلر سے شکایت کر دی ۔
63 سالہ استاد نے وضاحت دیتے ہوئے فاکس نیوز کو بتایا کہ ان سوالات کا مقصد طلبہ کو یہ بتانا تھا کہ دنیا میں کیا اہم ہے، اگر آپ طلبہ کو حقیقت نہیں بتاسکتے اور ان سے حقیقی سوالات نہیں کرسکتے تو پھر ہمارے ماحول میں کیا ہو رہا ہے؟
ان کا کہنا تھا کہ انہوں نے ایسے سوالات کرکے کچھ غلط نہیں کیا۔انہوں نے بتایا کہ وہ برطرفی کے فیصلے کے خلاف اپیل دائر کرنے کا ارادہ رکھتے ہیں۔
یاد رہے کہ امریکی ریاست اورلینڈو میں سب سے زیادہ فائرنگ کے واقعات رونما ہوئے ہیں، جون 2016 میں پلس نائٹ کلب میں 29 سالہ مسلح شخص نے حملہ کیا تھا جس کے نتیجے میں 49 افراد ہلاک ہوئے تھے۔
جبکہ 2018 میں میامی کے ایک اسکول میں فائرنگ کا بدترین واقعہ پیش آیا جہاں 19 سالہ لڑکے نے فائرنگ کرکے 17 افراد کو ہلاک کر دیا تھا۔
