کراچی (ویب ڈیسک): پرائیویٹ اسکولز مینجمنٹ ایسوسی ایشن (پسماء) نے ثانوی بورڈ کے نتائج پر سوالات اٹھا دیے۔پسماء کی جانب سے جاری بیان میں کہا گیا ہےکہ ثانوی بورڈکے دہم جماعت سائنس گروپ کے نتائج پر والدین کی جانب سے شکایات ملی ہیں، کئی طالب علموں کو امتحانات میں شریک ہونے کے باوجود نتائج میں غیرحاضر قرار دیاگیا ہے۔
پسماء کے مطابق کئی طالب علموں کو امتحانات میں بہترین کارکردگی دکھانے کے باوجود فیل قراردیا گیا جب کہ ثانوی بورڈ کراچی کے پورٹل پر بھی نتائج کبھی فیل اور کبھی پاس دکھائے جا رہے ہیں۔
پسماء نے مزید کہا کہ فوری طور پر ان مسائل کے حل کیلئے حکمت عملی تیار کی جائے۔
