خضدار میں زوردار دھماکے سے 13 افراد زخمی ہوگئے
بلوچستان کے شہر خضدار میں عمر فاروق چوک کےقریب زور دار دھماکے میں 13 افراد زخمی ہوگئے۔
پولیس کےمطابق ڈبل روڈ پر دھماکا خیز مواد پھٹنے سے 13 افراد زخمی ہوگئے، زخمیوں کو ٹیچنگ اسپتال خضدار منتقل کردیا گیا جہاں 2 زخمیوں کی حالت تشویش ناک بتائی جاتی ہے۔
پولیس اور قانون نافذ کرنے والے اداروں کے اہلکاروں نے علاقےکو گھیرے میں لے کر تحقیقات شروع کردی ہیں اور دھماکےکی نوعیت معلوم کی جارہی ہے۔
