اسلام آباد (ویب ڈیسک): لیفٹیننٹ جنرل (ر) نذیر احمد کی بطور چیئرمین قومی احتساب بیورو (نیب) تقرری کا نوٹیفکیشن جاری کر دیا گیا ہے۔اس حوالے سے نوٹیفکیشن بھی جاری کیا گیا ہے۔
نوٹیفکیشن کے مطابق نذیر احمد کی بطورچیئرمین نیب تقرری تین سال کے لیے ہوگی۔
وزارت قانون و انصاف نے نوٹیفکیشن جاری کیا جس پر جوائنٹ سیکرٹری عمر عزیز کے دستخط تھے۔
گزشتہ ہفتہ کو وفاقی حکومت نے نذیر احمد کو تین سال کے لیے نیا چیئرمین نیب تعینات کیا تھا۔
نئی تقرری نیب کے سابق چیئرمین آفتاب سلطان کے “مداخلت” اور “دباؤ” کا حوالہ دیتے ہوئے گزشتہ ماہ مستعفی ہونے کے بعد عمل میں آئی۔ آفتاب سلطان نے اپنا استعفیٰ وزیر اعظم شہباز شریف کو بھجوایا تھا جسے بعد میں منظور کر لیا گیا تھا۔
