گمبٹ (ہیلتھ ڈیسک): گمبٹ گمس ہسپتال کے ریپڈ سینٹر کے میڈیکل سٹور میں شارٹ سرکٹ کے باعث آگ لگ گئی۔آپریشن سے لاکھوں روپے مالیت کا سامان دیگر ادویات سمیت جل گیا۔ہنگامی بنیادوں پر ریپڈ سینٹر، دو او ٹی، او پی ڈی پہلی منزل، دوسری منزل اور تیسری منزل کو خالی کرالیا گیا۔آگ اور زہریلے دھوئیں کے باعث مریضوں کو دوسرے وارڈز میں منتقل کر دیا گیا۔
ریپڈ سینٹر کے مریضوں کو ایمبولینس پارکنگ میں رکھنے کے بعد وارڈز میں منتقل کیا جاتا ہے۔کوئی مریض جاں بحق نہیں ہوا، اللہ کے فضل سے آگ پر قابو پا لیا گیا ہے اور جلد ہی ریپڈ سنٹر شروع کر دیا جائے گا۔
اس موقع پر ڈائریکٹر گمس ڈاکٹر رحیم بخش بھٹی کا کہنا تھا کہ ریپڈ سینٹر میں آگ لگنے کے بعد ضلعی انتظامیہ کی جانب سے کوئی بھی موقع پر نہیں پہنچا۔فائر بریگیڈ کے عملے کی نااہلی ایک گھنٹے بعد فائر بریگیڈ پہنچی۔فائر بریگیڈ سمیت اپناعملہ تیار کیا جائے گا جوکہ کسی بھی ناخوشگوار واقعے سے نمٹنے کے لیے تیار رہے گا۔
رپورٹ کے مطابق آگ لگنے کے باعث ریپڈ سینٹر سینیٹوریم سمیت تین منزلوں کو ہنگامی بنیادوں پر خالی کرالیا گیا۔مریضوں کو دوسرے وارڈز میں منتقل کر دیا گیا ہے۔
اس حوالے سے ایڈیشنل ڈائریکٹر گمس ڈاکٹر رحیم بخش بھٹی نےمیڈیا سے گفتگو کرتے ہوئے کہا کہ وہ صبح معمول کے مطابق ہسپتال کا دورہ کر رہے تھے کہ اچانک انہیں اطلاع ملی کہ ریپڈ سنٹر میں آگ لگ گئی ہے۔فلفور نے فائر بریگیڈ کے عملے کو اطلاع دی۔ ایک گھنٹے تک فائر بریگیڈ کا کوئی عملہ نہ پہنچا۔ڈی سی خیرپور کو کال کی گئی لیکن انہوں نے فون کا جواب نہیں دیا اور نہ ہی رابطہ کیا۔
انہوں نے کہا کہ ریپڈ سینٹر میں شارٹ سرکٹ کے باعث لاکھوں روپے مالیت کا آپریشن کا سامان اور دیگر ادویات جل گئیں۔ریپڈ کے چاروں یونٹس سے مریضوں کو نکال لیا گیا ہے۔اوٹیز میں جاری آپریشنز کو دوسرے اوٹیز میں منتقل کر دیا گیا ہے۔او پی ڈی پہلی منزل پر چل رہی تھی جہاں مختلف شعبہ جات کے ڈاکٹر مریضوں کا معائنہ کر رہے ہیں۔ اسے بھی ہنگامی بنیادوں پر خالی کرا لیا گیا۔
انہوں نے مزید بتایا کہ دوسری منزل پر وارڈز میں جنرل سرجری، آرتھو کے مریض، پیڈیاٹرک سرجری کے مریض اور دیگر مریض موجود تھے۔ انہیں دوسرے وارڈز میں منتقل کر کے عمارت خالی کر دی گئی۔
اللہ کے فضل سے کوئی جانی نقصان نہیں ہوا۔مختلف وارڈز سے شفٹ ہونے والے مریضوں کو متعلقہ وارڈز میں شفٹ کیا گیا ہے۔
