کراچی (شوبز ڈیسک): ملک میں بڑھتی ہوئی مہنگائی کے دوران عوام شدید مشکلات کا شکار ہیں، اسی حوالے سے پاکستان کی معروف شوبز شخصیات نے ملک میں مفت آٹے کی تقسیم کے دوران ہونے والی بھگڈر، بدنظمی اور اموات پر افسوس کا اظہار کیا ہے۔نامور اداکارہ صبا قمر نے واقعے پر انتہائی افسوس کا اظہار کرتے ہوئے لکھا کہ یااللہ رحم، کراچی میں راشن کی تقسیم کے دوران بھگدڑ مچنے سے 11 افراد جان کی بازی ہار گئے۔
Heart-wrenching news from Karachi. 11 people lost their lives due to stampede during ration distribution. Ya Allah rehem. 💔
— Saba Qamar (@s_qamarzaman) March 31, 2023
گلوکار علی ظفر نے نامور اینکر ماریہ میمن کی ویڈیو کو ری ٹوئٹ کیا جس میں اینکر نے آٹے کی تقسم کے دوران ہونے والی بھگدڑ کی ویڈیو شیئر کی تھی۔
علی ظفر نے لکھا کہ ملک کے حالات دیکھ کر بہت دکھ ہوتا ہے، غریب طبقہ مشکلات کا سامنا کرتا ہے جبکہ امیر طبقہ لڑائی جھگڑوں میں مصروف رہتا ہے، ہم سب کو غریب عوام کی خاطر مل کر کام کرنے کے مشکل صورتحال کا راستہ تلاش کرنا چاہیے۔
Sad and heartbreaking to see the state of affairs. The poor suffer while the prevelaged fight. We all must find a way to work together for their sake. https://t.co/7HcZ02AiTF
— Ali Zafar (@AliZafarsays) March 31, 2023
اس کے علاوہ شفاعت علی نے ٹوئٹر پر سوال کرتے ہوئے لکھا کہ جب بجلی کا بل غریب کے گھر کے پتے پر ہر مہینے آسکتا ہے تو مفت آٹے کا تھیلا کیوں نہیں پہنچ سکتا؟ غریب کو ایک آٹے کا تھیلا دینے کے لیے میلا لگانے کی ضرورت کیوں پڑتی ہے؟
Point: One of the State's responsibilities is to uphold the dignity of every individual. https://t.co/38U61h7Kbe
— Ali Zafar (@AliZafarsays) March 28, 2023
اسی پر گلوکار علی ظفر نے ری ٹوئٹ کرتے ہوئے لکھا کہ مدعا ہے کہ یہ ریاست کی ذمہ داری ہے کہ سب کے وقار کا خیال رکھے۔
ادکارہ مایا علی نے بھی اپیل کی ہے کہ مشکل وقت میں ضرورت مندوں کی مدد کریں۔
انسٹاگرام پر اداکارہ مایا علی نے مفت آٹا نہ ملنے پر رونے والے شہری کی ویڈیو شیئر کرتے ہوئے مداحوں سے اپیل کی ہے کہ زیادہ عطیات دیں اور ضرورت مندوں کی مدد کریں۔
اداکارہ نے لکھا کہ میں اپیل کرتی ہوں کہ آپ سب اپنی استطاعت کے مطابق ضرورت مندوں کی مدد کریں اللہ آپ کو اس کا اجر دے گا ان شااللہ۔
خیال رہے کہ دو روز قبل صوبہ سندھ کے دارالحکومت کراچی میں راشن کی تقسیم کے دوران بھگدڑ مچ گئی تھی جس کے نتیجے میں 11 افراد جاں بحق ہوگئے تھے۔
اندوہناک واقعہ کراچی کے علاقے سائٹ ایریا میں واقع فیکٹری میں پیش آیا تھا جہاں راشن کی تقسیم کی جارہی تھی، تقسیم کے دوران بھگدڑ مچنے سے 3 بچوں اور خواتین سمیت 12 افراد جاں بحق ہوئے جبکہ متعدد خواتین بے ہوش ہوگئیں۔
دوسری جانب اداکار یاسر حسین نے انسٹاگرام اسٹوری پر پاکستانی کی کرنسی ایتھوپین کرنسی سے نیچے گرنے کی پوسٹ شیئر کی۔
اس پر انہوں نے طنزیہ انداز میں لکھا کہ ماں صدقے جاؤں، ایتھوپین کرنسی کو اوپر لے آئے، ایسے اچھےلوگ دیکھیں ہیں کہیں؟
