(ویب ڈیسک ): اسلام آباد / لاہور: جناح ہاؤس لاہور پر حملہ کرنے والے نوجوان شر پسند رئیس احمد نے ہوش رُبا انکشافات کیے ہیں۔
اپنے اعترافی بیان میں شر پسند رئیس احمد نے بتایا کپ ’’میں 9 مئی کو چیئرمین پی ٹی آئی کی گرفتاری کے بعد زمان پارک میں پی ٹی آئی کے بنائے گئے منصوبوں کے مطابق ڈاکٹر یاسمین راشد کی قیادت میں کور کمانڈر ہاؤس لاہور پہنچا، جناح ہاؤس پر ہم نے توڑ پھوڑ کی، گملے توڑے اور پی ٹی آئی ورکرز کے ساتھ مل کر ہم نے آگ جلائی۔‘‘
رئیس احمد نے بتایا کہ ’’یہ سارا کچھ کیسے ہوا ہے، کیوں ہوا ہے، اس کے پیچھے پچھلے ایک سال سے پی ٹی آئی چیئرمین کی فوج کے خلاف مسلسل تقاریر سن سن کر میرے ذہن میں فوج کے خلاف ذہن سازی شروع ہوگئی اور اسی وجہ سے میں نے یہ کام کیا ہے۔‘‘
شر پسند رئیس احمد کا تعلق سوات کے ضلع شانگلہ سے ہے۔ توڑ پھوڑ اور شر انگیزی میں شامل مجرم قانون کی تحویل میں ہے۔
