کراچی (ویب ڈیسک): متحدہ قوومی موومنٹ (ایم کیوایم) کے سابق رکن سندھ اسمبلی وسیم قریشی ایم کیو ایم کی 36 سالہ رفاقت چھوڑ کر پیپلز پارٹی میں شامل ہو گئے۔پی پی میں شمولیت کے موقع پر بات چیت کرتے ہوئے سابق ایم پی اے وسیم قریشی کا کہنا تھا کہ ایم کیو ایم پاکستان کی قیادت میں فیصلے کرنے کی طاقت نہیں۔
اس موقع پر سینیئرپی پی رہنما ناصرحسین شاہ نے کہا کہ آنے والا وقت پیپلزپارٹی کا ہے، بلاول بھٹو وزیراعظم ہوں گے۔
میئر کراچی مرتضی وہاب کا کہنا تھا کہ 8 فروری کو بھی پورے کراچی سے تیر جیتے گا، پتنگ بوکاٹا کریں گے۔ مرتضی وہاب نے ’بوکاٹا‘ کے نعرے بھی لگائے۔
