بنڈونگ – انڈونیشیا (اسپورٹس ڈیسک): انڈونیشیا میں ایک مقامی فٹبال میچ کے دوران آسمانی بجلی گرنے سے ایک فٹبالر ہلاک ہوگیا۔میڈیا رپورٹس کے مطابق مغربی جاوا کے شہر بنڈونگ کے سلیوانگی اسٹیڈیم میں میچ کے دوران آسمانی فٹبالر پر آگری جس کے باعث کھلاڑی میدان میں ہی گر پڑا۔
lightning struck a man during a football match in Indonesia 🇮🇩https://t.co/JnRUJSukl1
— Kobbie Mainoo Fans (@KobbeMainoo) February 11, 2024
35 سالہ ہلاک فٹبالر کی شناخت سیپٹن رہارجا کے نام سے ہوئی ہے، واقعہ ہفتہ کے روز مقامی وقت کے مطابق شام 4 بجکر 20 منٹ پر پیش آیا تھا۔
آسمانی بجلی گرنے کے بعد بھی فٹبالر سانس لے رہا تھا، اسے فوری طور پر مقامی اسپتال منتقل کیا گیا تاہم شدید جھلسنے کے باعث دم توڑ گیا۔
واضح رہے کہ اندوہناک واقعہ کی ویڈیو سوشل میڈیا پر تیزی سے وائرل ہورہی ہے۔
