کراچی (ویب ڈیسک): وزیر اعلیٰ سندھ مراد علی شاہ کا کہنا ہے کہ بلدیاتی نظام سے متعلق ایم کیو ایم پاکستان اور ن لیگ کا معاہدہ شاید پنجاب کے لیے ہوگا۔میڈيا سے گفتگو کرتے ہوئے وزیراعلیٰ سندھ مراد علی شاہ نے کہا کہ سندھ میں پہلے ہی با اختیار بلدیاتی حکومتیں موجود ہیں جبکہ پنجاب میں سرے سے بلدیاتی حکومتیں موجود ہی نہیں ہیں۔انہوں نے مزیدکہا کہ بلدیاتی حکومتوں کو مزید بہتر بنانا ہوا تو سندھ حکومت خود یہ کام کرے گی۔
دوسری جانب مسلم لیگ ن اور ایم کیو ایم پاکستان کے درمیان آئین کے آرٹیکل 140 میں ترمیم پر اتفاق ہو گیا ہے جس کے مطابق آرٹیکل 140 کے تحت صوبوں کو دیے جانے والے فنڈز ضلعی حکومتوں کو جائیں گے۔
چیئرمین پیپلز پارٹی بلاول بھٹو زرداری سے جب اس حوالے سے سوال پوچھا گیا تو ان کا کہنا تھا جہاں ہمارا ن لیگ کے ساتھ معاہدہ نہیں ہوا ادھر ایم کیو ایم کو اکاموڈیٹ کیا جا سکتا ہے۔
