کراچی (ویب ڈیسک): ڈپٹی میئر کراچی سلمان مراد نے کہا ہے کہ پیپلز پارٹی کے چیئرمین بلاول بھٹو زرداری کے ویژن کے مطابق کراچی کے تمام 25 ٹاؤنز میں فنڈز کی منتقلی کا نظام یکساں رکھا گیا ہے ، تمام ٹی ایم سیز کلک اور اسمارٹ ریسرچرز کے نمائندوں کے ساتھ تعاون کریں ۔
ان خیالات کا اظہار انہوں نے کراچی میونسپل کارپوریشن کی عمارت میں سٹی انسٹیٹیوٹ آف امیج مینجمنٹ میں ورلڈ بینک ، کلک (CLICK اور اسمارٹ ریسرچرز ) SMART RESEARCHERSکے تعاون سے پانچ سیشنز پر مشتمل ایک ماہ سے زائد جاری رہنے والی ٹریننگ کی اختتامی تقریب سے خطاب کرتے ہوئے کیا ۔ ڈپٹی میئر کراچی سلمان مراد بلوچ کا کہنا تھا کہ رواں برس سندھ حکومت نے سالانہ بجٹ میں بھی تمام ٹاؤنز جس میں چاہے چیئرمین جماعت اسلامی پاکستان تحریک انصاف یا پاکستان پیپلز پارٹی کا ہو سب ٹی ایم سیز کو یکساں فنڈز تقسیم کیے ہیں۔
انہوں نے کہا کہ پاکستان پیپلز پارٹی کا تمام ٹاؤنز کے ساتھ بہتر تعلقات اور رابطے ہیں اور یہ ہی وجہ ہے کہ عید الاضحی میں الائشوں کے اٹھانے کا آپریشن احسن انداز میں مکمل ہوا ۔ورلڈ بینک اور اسمارٹ ریسرچرز کے تعاون سے شروع ہونے والی ٹریننگ میں مجموعی طور پر ایک ماہ کے دوران 5سیشنز میں 25 ٹی ایم سی کے فنانس ڈیویلپمنٹ پلان پروکیورمنٹ ٹیکسیشن اور سوشل سیف گارڈ کے حوالے سے 125 سے زائد افسران کو تربیت دی گئی ان سیشنز کے دوران شرکا کی مکمل حاضری ٹریننگ ہال میں موجود رہی ۔ ایک ماہ سے زائد 5سیشن کے دوران سابق ڈائریکٹر لوکل فنڈ آڈٹ سندھ عارف رضا خان ڈائریکٹر لیگل آئی ٹی سیپرا محمد ایوب علی خان پروجیکٹ مینیجر اسمارٹ ریسرچرز ڈاکٹر منظور حسین، میمن ایڈوکیٹ سندھ ہائی ایس ایم علی جعفری ، ڈائریکٹنگ اسٹاف نیشنل انسٹیٹیوٹ آف مینجمنٹ وقار سلیم بیگ اور انیس احمد خان نے شرکا کو لیکچر دئیے اور تربیتی نشست کے دوران ورلڈ بینک کے رولز کے تناظر میں کیسے ٹاؤن میونسپل کارپوریشنز کی سطح پر اسکیمیں تیار کی جائیں گی اور کن اسکیموں کو ترجیح بنیاد پر منظور کیا جائے گا اس کے لیے خاک تیار کروائے گئے ۔
اختتامی تقریب میں پروجیکٹ میں ریسرچرز ڈاکٹر منظور حسین میمن اسمارٹ ریسرچر زکے ایگزیکٹو ڈائریکٹر امین اللہ خان اور ڈائریکٹر اسمارٹ ریسرچرز خرم احمد نے ڈپٹی میئر کراچی سلمان مراد کے ہمراہ شرکا کو تعریفی اسناد اور تحائف تقسیم کئے۔
