نیو جرسی – امریکا (ویب ڈیسک): امریکا میںرہنے والے سندھی کمیونٹی کے مختلف شعبوں میں بطور پروفیشنلز کام کرنیوالے افراد کی جانب سے قائم کردہ فورم سندھ اسکلز ڈویلپمنٹپروگرام کی جانب سے سندھ کے نوجوانوں کو دنیا بھر بالخصوص امریکا اور سندھ میں تعلیم و روزگار سے متعلق آگاہی اور رہنمائی کی فراہمی کے لیے پہلی سالانہ یوتھ کانفرنس کا انعقاد کیا گیا . 11 اکتوبر 2024 کو امریکا کی ریاست نیو جرسی میںہونیوالی اس یوتھ کانفرنس میںمختلف یونیورسٹیز میںزیر تعلیم 50 سے زیادہ طلبہ نے شرکت کی جبکہ 40 سے زیادہ کمیونٹی لیڈرز نے شرکت کی. ” ذہنی صلاحتیوں میں اضافہ” کے عنوان کے تحت ہونیوالی اس کانفرنس میںسندھ سے امریکا تک سفر سے متعلق رہنمائی اور بااختیار بنانے کے لیے تنظیم میںمفت رجسٹریشن کی پیشکش کرتے ہوئے نیٹ ورکنگ کے لیے پلیٹ فارم مہیا کرنے ، قیمتی تجربات شیئر کرنے اور کمیونٹی کے رہنماؤںکیساتھ مشغول ہونے سے متعلق تشکیل دیا گیا ہے . اوینٹ میںسندھ سے امریکا تک لوگوں کے سفر پر مفید معلومات اور توجہ مبذول کرانے ، راستے میںدرپیش چیلنجز اور مواقع کی تلاش سے متعلق مفید آگاہی اور رہنمائی فراہم کی گئی .
اس موقع پر خطاب کرتے ہوئے سندھ اسکلز ڈویلپمنٹ پروگرام کے روح رواں علی حسن بھٹو نے کہا کہ ہمارا مقصد ذاتی اور پیشہ ورانہ ترقی حاصل کرنے میں علم ، صلاحتیوں اور شعور کی اہمیت پر زور دینا ہے . ہم تمام طلبہ کو دعوت دیتے ہیںکہ وہ بھرپور اور مؤثر تجربہ حاصل کرنے کے لیے ہمارے ساتھ شامل ہوجائیں.
اس کانفرنس کےکامیاب انعقاد پر سندھ اسکلز ڈویلپمنٹ پروگرام کے روح رواں علی حسن بھٹو نے اپنے ویڈیو پیغام کے ذریعے اُن تمام لوگوں بالخصوص نوجوانوں کا شکریہ ادا کیا جنہوں نے اس پہلی یوتھ کانفرنس میںشرکت کی . انہوں نے کہا کہ امریکا جیسے ملک میں50 سے زیادہ سندھی طلبہ اور 40 سے زیادہ کمیونٹی لیڈرز سمیت سندھ کے 100 سے زیادہ لوگوں کا ایک جگہ اکٹھا ہونا خود کسی معجزسے سے کم نہیں .
انہوں نے مزید کہا کہ ہمارے پروگرام کے چیئرمین منصور میمن اور سی ای او غلام قادر ملاح کی خصوصی ہدایات کے تحت ہماری کوشش ہوتی ہے کہ ہم نوجوانوں درست انفارمیشن پہنچائیںتاکہ نوجوان زیادہ سے زیادہ مستفید ہوسکیں.
انہوں نے مزید کہا کہ ہماری کوشش ہوگی کہ اگلی بار 11 اکتوبر 2025 میں اس سے بھی زیادہ بڑی کانفرنس منعقد کی جائے . علی حسن بھٹو نے اپنے اس ویڈیو پیغام میں سندھ بھر کے طلبہ کو صوبہ سندھ میںموجود سرکاری جامعات (یونیورسٹیز ) سے متعلق معلومات بالخصوص اُنہیںملنے والی بجٹ اور اُس بجٹ کے استعمال، اور اسے حاصل ہونیوالے نتائج پر بھی تفیصلی طور پر بات کرتے ہوئے مصدقہ اعداد و شمار پیش کیے .
