کراچی(ویب ڈیسک): کراچی بلدیاتی الیکشن کے مکمل نتائج کا اعلان ہونے کے بعد امیر جماعت اسلامی سراج الحق نے ملک کے بڑے شہروں میں احتجاجی مظاہروں کا اعلان کر دیا۔ الیکشن کمیشن کی جانب سے کراچی کی تمام 235 یونین کونسلز(یوسیز) کےنتائج جاری کردیے گئے ہیں۔
نتائج کے مطابق پیپلزپارٹی 93 یوسیز میں کامیابی کے بعد سرفہرست ہے جبکہ جماعت اسلامی 86 یوسیز میں کامیابی کے بعد دوسرے نمبر پر ہے۔
The #PPP emerged the biggest winner with 93 seats & Jamaat-i-Islami a close second with 86 seats as the Election Commission of Pakistan (ECP) released the final consolidated results of all 235 union councils in Sindh’s Karachi division #LocalBodyElections.https://t.co/IWq77vHWVc
— Sikandar Ali Hullio (@HullioSikandar) January 16, 2023
پاکستان تحریک انصاف (پی ٹی آئی)کو کراچی ڈویژن میں 40 یوسیز پرکامیابی ملی ہے جبکہ مسلم لیگ ن نے7، جمعیت علمائے اسلام نے 3 اور تحریک لبیک نے 2 نشستوں پرکامیابی حاصل کی ہے۔ان کے علاوہ مہاجر قومی موومنٹ ایک یوسی پر اور آزاد امیدوار3 یوسیز پرکامیاب ہوئے ہیں۔
کراچی کے بلدیاتی انتخابات کے مکمل نتائج سامنے آنے کے بعد امیر جماعت اسلامی سراج الحق نے ملک کے بڑے شہروں میں احتجاجی مظاہروں کا اعلان کیا ہے۔
کراچی میں جماعت اسلامی کی فتح پر ڈاکہ نامنظور
الیکشن کمیشن پاکستان کے دفتر کا گھیراؤ
تمام محب وطن پاکستانی ڈی چوک اسلام آباد پہنچیں
ڈی چوک سے ریلی کی صورت میں دفتر الیکشن کمیشن جائیں گے#مینڈیٹ_چوری_نہیں_ہونےدینگے #جاگوالیکشن_کمیشن pic.twitter.com/OJpdhsLo3j
— Jamaat e Islami Pakistan (@JIPOfficial) January 16, 2023
سراج الحق نے اپنے ایک بیان میں کہا ہے کہ جماعت اسلامی کراچی بلدیاتی الیکشن میں بڑی پارٹی بن کرسرفہرست آئی، پولنگ ایجنٹوں کے نتائج واضح ہیں کہ جماعت اسلامی اکثریت میں ہے۔
انہوں نے کہا کہ الیکشن کمیشن کی جانب سے نتائج میں تاخیر شکوک و شبہات بڑھا رہی ہے، جماعت اسلامی کے علاوہ دیگرجماعتوں کے انتخابی نتائج میں بھی ردوبدل کی جا رہی ہے، اپیل کرتا ہوں ملک کے بڑے شہروں میں احتجاجی مظاہرے کیے جائیں۔
ترجمان کے مطابق جماعت اسلامی نے آج ملک بھر میں احتجاج کی کال دے دی ہے جبکہ سراج الحق نے منصورہ میں اجلاس بھی طلب کرلیا ہے۔
ترجمان جماعت اسلامی قیصر شریف کا کہنا ہے کہ کراچی کے بلدیاتی انتخابات کے حوالے سے آئندہ کے لائحہ عمل کا اعلان کیا جائے گا۔
