کیف(ویب ڈیسک): یوکرین میں یورپی یونین کے رہنماؤں کے اہم اجلاس کے دوران روسی لڑاکا طیارے دھمکانے کی غرض سے کیف کی فضائی حدود میں چکر لگاتے رہے۔الجزیرہ نیوز کے مطابق یورپی کمیشن کی صدر ارسولا وان ڈیر لیین یورپی یونین کے اہم اجلاس میں شرکت کے لیے یوکرین کے دارالحکومت کیف پہنچ گئیں جہاں ان کا استقبال صدر ولودیمیر زیلنسکی نے کیا۔
خیال رہے کہ یورپی یونین کے رہنما یوکرین کی بلاک میں شمولیت کے لیے یوکرائنی حکام سے مذاکرات کرنے جنگ زدہ ملک کے دارالحکومت کیف پہنچے ہیں جہاں روسی طیاروں نے شدت سے اپنی موجودگی کا احساس دلایا۔
Together, we are bringing light to Ukraine!⁰
Ukrainians can exchange their old bulbs at the post office for energy-efficient LED bulbs.
The EU is gladly providing 35 million of them.
Every kW of energy saved is precious to counter Russia's energy war. pic.twitter.com/dkKpSRH6yv
— Ursula von der Leyen (@vonderleyen) February 3, 2023
یاد رہے کہ روس نے ہمشہ ہی یوکرین کے کسی بھی مغربی اتحاد میں شمولیت کو اپنی قومی سلامتی کے خلاف قرار دیتے ہوئے شدید مخالفت کی ہے۔
روس کی یوکرین کے 4 شہروں پر قبضے اور ایک سال سے مسلسل جنگ مسلط کیے جانے کے باعث یورپی یونین کے اس اجلاس میں کسی اہم پیشرفت کا امکان نہیں۔
یوکرین کی نیٹو میں شمولیت کی درخواست کے ردعمل میں روس نے گزشتہ برس فروری کو یوکرین پر جنگ مسلط کی تھی جو اب بھی کئی محاذوں پر جاری ہے۔ جنگ میں اب تک ہزاروں فوجی اور شہری مارے جا چکے ہیں۔
