چنئی (اسپورٹس ڈیسک): پاکستان کے عبدالحنان شاہد ایشین ہاکی چیمپئنز ٹرافی کے ایمرجنگ پلیئر قرار پائے ہیں۔بھارت کے شہر چنئی میں ایشین ہاکی چیمپئینز ٹرافی کا انعقاد کیا گیا جس میں بہترین کارکردگی پر پاکستان کے عبدالحنان شاہد کو اختتامی تقریب میں ایمرجنگ پلیئر کا ایوارڈ دیا گیا۔
اس موقع پر ایشین ہاکی فیڈریشن کا کہنا تھا کہ اس ٹورنامنٹ نے باصلاحیت کھلاڑیوں کو سامنے آنے کا موقع فراہم کیا اور پاکستان کے عبدالحنان شاہد نے اس کا فائدہ اٹھایا۔
ایشین ہاکی فیڈریش نے بتایا کہ عبدالحنان شاہد غیر معمولی پرفارمنس اور صلاحیت کی وجہ سے ایمرجنگ پلیئر ایوارڈ کے حقدار قرار پائے اور ہاکی میں ان کا مستقبل روشن ہے۔
خیال رہے پاکستان ہاکی ٹیم نے بھارت میں ہونے والے ایونٹ میں پانچویں پوزیشن حاصل کی اور پاکستان ہاکی ٹیم پہلی مرتبہ ایشین چیمپئنز ٹرافی کے سیمی فائنل میں نہ پہنچ سکی۔
