(ویب ڈیسک ):ارجنٹینا نے کولمبیا کو صفر کے مقابلے میں ایک گول سے شکست دے کر کوپا امریکا فٹبال ٹورنامنٹ کا ٹائٹل ریکارڈ 16 ویں بار جیت لیا۔ ارجنٹینا کے کپتان میسی انجری کے باعث پورا میچ نہ کھیل سکے ، ان کے جذبات پر قابو نہ رہا وہ بینچ پر بیٹھے روتے رہے لیکن ٹیم کی جیت کے ساتھ ہی افسوس جشن میں تبدیل ہو گیا۔
اتوار کو میامی گارڈنز میں ارجنٹینا اور کولمبیا کےدرمیان کوپا امریکا کا فائنل میچ انتہائی دلچسپ رہا ، دونوں ٹیموں نے ایک دوسرے پربرتری حاصل کرنے کےلیے کئی حملے کیے لیکن کسی کوکامیابی نہ ملی۔
میچ کے دوسرے ہاف میں ارجنٹینا کے کپتان میسی انجری کا شکار ہو گئے ، آنکھوں میں آنسو لیے میدان سے باہر چلے گئے ، بلکہ بینچ پر اپنے جذبات کنٹرول نہ کر سکے اور روپڑے ۔
فائنل میچ میں مقررہ وقت میں کوئی ٹیم گول نہ بنا سکی ، پھر شروع ہوا اضافی وقت اور 112 ویں منٹ میں ارجنٹینا کے لوٹیرو مارٹنز نے گول بنایا، یہی گول فائنل کا فیصلہ کن گول ثابت ہوا۔
یورپ کی اجارہ داری ختم، فرانس کو شکست دیکر ارجنٹینا تیسری بار ورلڈ چیمپئن بن گیا
ارجنٹینا نے صفر کے مقابلے میں ایک گول کی کامیابی کے ساتھ کوپا امریکا جیت لیا، یہ ارجنٹینا نے ریکارڈ 16ویں مرتبہ ٹائٹل اپنے نام کیا ہے۔
اسٹار فٹبالر لیونل میسی اور ان کی ٹیم ارجنٹینا نے مسلسل تیسرا بڑا ٹورنامنٹ جیتا ہے۔
اس سے قبل ارجنٹینا نے 2021 کا کوپا امریکا اور پھر 2022 میں قطر میں ہونے والا فیفا ورلڈ کپ کی ٹرافی اٹھائی تھی۔
