بالی (ویب ڈیسک): بالی کے ساحل پر ایک 17 میٹر لمبی سپرم وہیل مردہ حالت میں پائی گئی جو ایک ماہ کے دوران انڈونیشیا کے ساحلی علاقے میں مردہ حالت میں پائی جانے والی تیسری سپرم وہیل ہے۔خبر رساں ایجنسی اے ایف پی کے مطابق 56 فٹ لمبی یہ نر سپرم وہیل ہفتے کی سہ پہر مغربی بالی کے جمبرانا ضلع میں یہ لیہ کے ساحل پر مردہ حالت میں ملی۔میرین اور ماہی گیری کے ایک مقامی اہلکار پرمانا یوڈیارسو نے اے ایف پی کو بتایا کہ ہم فی الحال مردہ مچھلی کو ساحل پر کھینچنے کی کوشش کر رہے ہیں تاکہ اس کی جانچ میں آسانی ہو اور ٹیسٹ مکمل ہونے کے بعد ہم اسے دفن کر دیں گے۔
A sperm whale was found dead on the shores of Karangasem, Bali, more than 30 kilometers from where it was initially beached alive and rescued by authorities. An official said the whale was one of three that have died on the island in the past month pic.twitter.com/UVITeBjr52
— Reuters (@Reuters) April 7, 2023
چھٹیاں منانے والوں کے مشہور مقام بالی میں یہ ماہ اپریل کے دوران ساحل پر مردہ حالت میں ملنے والی تیسری وہیل ہے۔
Hindus in Bali Island performed rituals for 18m whale found dead at beach side#latest #vanakkammalaysia #Hindus #in #Bali #island #performed #rituals #for #18m #whale #found #dead #at #beach #side #trendingnewsmalaysia #malaysiatamilnews #fyp #vmnews #foryoupage pic.twitter.com/d2THL5H323
— Vanakkam Malaysia (@vmnews) April 8, 2023
بدھ کو بالی کے مشرقی ساحل پر کلنگ کنگ کے ضلع میں 18 میٹر لمبی ایک نر سپرم وہیل بھی مردہ حالت میں ملی تھی۔
اس سے پہلے 11میٹر طویل اور دو ٹن سے زائد وزن کی حامل برائیڈز وہیل یکم اپریل کو تابانان کے ساحل پر مردہ ملی تھی اور مقامی لوگوں کو پتا چلنے سے قبل ہی اس کی لاش سڑ چکی تھی۔
پرمانا یوڈیارسو نے اے ایف پی کو بتایا کہ ان کو شبہ ہے کہ ہفتے کے روز ملنے والی اسپرم وہیل کی موت بھی بیماری کی وجہ سے ہوئی تھی بالکل اسی طرح جیسے چند دن قبل وہیل مردہ پائی گئی تھی۔
انہوں نے کہا کہ وہیل کا جسم کمزور اور وہ بیمار لگ رہی تھی۔
یوڈیارسو نے کہا کہ نیکروپسی ٹیسٹ کو مکمل ہونے میں کم از کم تین ہفتے لگیں گے لیکن فرانزک ماہرین کو وہیل کے پھیپھڑوں سے کچھ خون بہتا محسوس ہوا تھا اور اس کی بڑی آنت سیالوں سے بھری ہوئی تھی۔
پولیس نے اس مقام کو گھیرے میں لے لیا ہے تاکہ لوگوں کو وہیل کا گوشت یا جسم کے اعضا چوری کرنے سے روکا جا سکے۔
اس سے قبل 2018 میں انڈونیشیا میں ایک سپرم وہیل مردہ پائی گئی تھی جس کے پیٹ میں 100 سے زیادہ پلاسٹک کے کپ اور 25 پلاسٹک کے تھیلے تھے جس سے جنوب مشرقی ایشیائی جزیرہ نما سمندری خطے میں کوڑے کے مسئلے پر شدید تحفظات کا اظہار کیا گیا تھا۔
Swipe to see our Indonesia Ocean Crew at work ➡️
Off the coast of Bali, our professional cleanup crew recovers thousands of pounds of plastic pollution daily. pic.twitter.com/a7ZmNpQqay
— 4ocean (@4ocean) March 27, 2023
انڈونیشیا چین کے بعد سمندری میں پیدا ہونے والے کچرے کا سبب بننے والا دوسرا بڑا ملک ہے۔
