کوئٹہ (ویب ڈیسک) : بلوچستان ہائیکورٹ نے صوبے میں موبائل فون نیٹ ورک اور انٹرنیٹ بندش کے خلاف درخواست سماعت کے لیے منظور کرلی۔نجی ٹی وی چینل کے مطابق موبائل فون انٹرنیٹ کی بندش کے خلاف اپیل کنزیومرسول سوسائٹی نے بلوچستان ہائیکورٹ میں دائرکی تھی۔
درخواست میں کہا گیا ہے کہ موبائل نیٹ ورک کی بندش سے آن لائن تعلیمی نظام درہم برہم اور تجارت متاثر ہے جب کہ نیٹ ورک کی بندش سے مسافروں کو رابطوں میں دشواری کا سامنا ہے۔
عدالت نے درخواست کو سماعت کے لیے منظور کرتے ہوئے معاملے پر محکمہ داخلہ اور پی ٹی اے حکام کو 15 اگست کو طلب کیا۔
