ممبئی (شوبز ڈیسک): بالی وڈ سپر اسٹار عامر خان کی بیٹی آئرہ خان شادی کے بندھن میں بندھ گئیں۔عامر خان اور ان کی سابقہ اہلیہ رینا دتا کی بیٹی آئرہ خان نے اپنے دوست نوپور شکھرے سے شادی کی، آئرہ کی شادی کی تقریبات کا آغاز گزشتہ روز سے ہوچکا ہے جس میں دلہا دلہن کو شادی کے جوڑے میں دیکھا جاسکتا ہے۔
شادی کی تقریب کی ایک ویڈیو میں دلہا دلہن کو پورے خاندان کے ساتھ رسومات ادا کرتے بھی دیکھا جاسکتا ہے۔
بھارتی میڈیا کے مطابق تقریب میں شوبز ستاروں کے ساتھ ساتھ بھارت کی دیگر اہم شخصیات کو مدعو کیا گیا۔
بھارتی میڈیا کا کہنا ہےکہ آئرہ کی شادی کے ساتھ جوڑے کا منفرد لباس بھی ان دنوں خبروں کی زینت بنا ہوا ہے جس پر سوشل میڈیا صارفین بھی تبصرے کررہے ہیں۔
عامر خان کی بیٹی کی شادی کی بڑی تقریب 5 جنوری کو بھارتی شہر ادے پور میں ہوگی اور ریسیپشن ممبئی میں ہوگا۔
