بھارتی دارالحکومت نئی دہلی کی پولیس نے بھارتی ٹیم کے سابق کپتانوں مہیندرا سنگھ دھونی اور ویرات کوہلی کی بیٹیوں کے لیے سوشل میڈیا پر نامناسب کمنٹس کرنے والوں کے خلاف کریک ڈاؤن شروع کردیا۔
بھارتی میڈیا کی رپورٹس کے مطابق دہلی خواتین کمیشن کی صدر سواتی مالیوال نے ویرات کوہلی کی بیٹی وامیکا اور ایم ایس دھونی کی بیٹی زیوا سے متعلق سوشل میڈیا پوسٹس پر نفرت انگیز کمنٹس کرنے والوں کے خلاف پولیس کو تحریری درخواست جمع کروائی تھی۔
درخواست کے نتیجے میں دہلی پولیس نے مقدمہ درج کیا اور اب اس کے خلاف کارروائی کی جائے گی۔
سواتی مالیوال اور بھارتی چینل 24 نیوزنے ایف آئی آر درج ہونے کا ٹوئٹر پر اسٹیٹس لگایا اور ساتھ ہی کوہلی اور دھونی کو بھی مینشن کیا۔
विराट और धोनी की बच्चियों पर हुई अभद्र टिपण्णी के मामले में FIR हुई दर्ज
स्वाति मालीवाल के नोटिस के बाद दर्ज हुई FIR#ViratKohli𓃵 #swatimaliwal pic.twitter.com/C7aKz2ocX6
— News24 (@news24tvchannel) January 16, 2023
انہوں نے کہا کہ چھوٹی بچیوں کے خلاف اس طرح کے نازیبا الفاظ اور بیانات دینے والے سوشل میڈیا صارفین سلاخوں کے پیچھے ہوں گے۔
بھارتی میڈیا کے مطابق گزشتہ ہفتے سواتی نے ٹوئٹ کے ذریعے بتایا کہ انہوں نے یہ محسوس کیا ہے کہ کوہلی اور دھونی کی بیٹیوں کے خلاف کچھ لوگ نامناسب کمنٹس کرتے ہیں جب کہ ان کی عمریں صرف 2 اور 7 برس ہیں۔
