وزارت پیٹرولیم نے دعویٰ کیا ہے کہ پیٹرولیم مصنوعات کی قلت کا کوئی امکان نہیں۔
وزارت پیٹرولیم کے اعلامیے کے مطابق پیٹرولیم مصنوعات کی قلت کا کوئی امکان نہیں، ملک میں تیل کے مطلوبہ ذخائر موجود ہیں۔
وزارت نے سوشل میڈیا پر پیٹرولیم مصنوعات کی قلت کی چلنے والی افواہوں کی تردید کرتے ہوئے کہا کہ پاکستان اسٹیٹ آئل اور دیگر کمپنیوں کے پاس پیٹرولیم مصنوعات کا مناسب ذخیرہ موجود ہے۔
دوسری جانب ملک کے بینکوں نے آئل کمپنیز کی پیٹرول امپورٹ ایل سیز کھولنے سے انکار کر دیا، جس کے بعد انڈسٹری ذرائع کا کہنا تھا کہ ایل سیز نہ کھلیں تو فروری کےآغاز سے پٹرول کی قلت ہو سکتی ہے، 10 دن سے ایل سیز کھلوانے کی کوشش کامیاب نہ ہوسکیں۔
