کراچی (ویب ڈیسک): شہر قائد میں آٹے کا بحران سنگین ہو گیا ہے۔چکی کا آٹا 150 روپے فی کلو تک ہو گیا۔تفصیلات کے مطابق فلور ملز کی جانب سے ہڑتال کے باعث شہر کی مارکیٹوں میں فلورز ملز کا تیار کیا ہوا آٹا غائب ہونا شروع ہو گیا۔
فلورز ملز کی ہڑتال دوسرے دن میں داخل ہو گئی، سندھ حکومت محکمہ خوراک فلورز ملز کا تنازعہ شدت اختیار کر گیا۔
فلورز ملز نے سرکاری نرخ 105 روپے پر آٹا فروخت کرنے سے انکار کردیا آٹا 130 روپے میں فروخت کری گے ۔۔فلورز ملز”
فلورز ملز کا کہنا ہے کہ ہم نے سرکاری نرخ 105 روپے پر آٹا فروخت کرنے سے انکار کر دیا ہے، آٹا 130 روپے میں فروخت کریں گے۔
واضح رہے کہ سندھ حکومت نے سرکاری گندم کی مارکیٹ میں غیر قانونی فروخت اور مہنگا آٹا کرنے پر 6 فلورز ملز کو بند کر دیا تھا۔
فلورز ملز نے بند کی گئی مل کو کھولنے اور آٹا 130 روپے میں فروخت کرنے کے مطالبات منظور ہونے تک ہڑتال جاری رکھنے کا اعلان کیا ہے۔
چیف سیکریٹری سندھ نے سرکاری گندم غیر قانونی طور پر فروخت کرنے والی اور مہنگا آٹا فروخت کرنے والی ملوں کے خلاف سخت کریک ڈائون کی ہدایت کی ہے۔
