گھوٹکی (نجات نیوز) گھوٹکی کے قریب مرشد مہران پٹرول پمپ کے قریب ایل پی جی کی دکان سلنڈر پھٹنے سے جل گئی۔
میونسپل کا عملہ اور فائر بریگیڈ کی گاڑی بروقت نہیں پہنچی جس کی وجہ سے آگ نے دکان کے بیرونی حصے کو اپنی لپیٹ میں لے لیا ہے اور بڑے نقصان کا خدشہ ہے۔
شہریوں کا کہنا ہے کہ جگہ جگہ بغیر پرمٹ کے دکانیں کھل گئی ہیں، شہر کے بازاروں میں گیس سلنڈر کی دکانیں کھلی ہوئی ہیں۔
گھوٹکی کے شہریوں نے انتظامیہ سے پرمٹ کے بغیر دکانیں بند کرنے کا حکم جاری کرنے اور شہر کی کچی آبادیوں سے پرمٹ والے دکانداروں کو بے دخل کرنے کا مطالبہ کیا ہے تاکہ کسی بھی ناخوشگوار واقعے سے بچا جا سکے۔
