کراچی (ٹیک ڈیسک): گوگل نے پاکستانی طلبا کے لیے ایک شاندار تعلیمی پیشکش کا اعلان کیا ہے، جس کے تحت 18 سال یا اس سے زائد عمر کے طالبعلم گوگل اے آئی پرو پلان کی ایک سالہ سبسکرپشن مفت حاصل کر سکتے ہیں۔یہ بلا معاوضہ پیشکش طلبا کو جدید اے آئی ٹولز کے ذریعے اپنی تعلیم، تحقیق اور تخلیقی صلاحیتوں کو بہتر بنانے میں مدد فراہم کرنے کے لیے تیار کی گئی ہے۔خیال رہے کہ گوگل اے آئی پرو پلان کی پاکستان میں ماہانہ فیس 5600 روپے ہے۔
جیمینائی اے آئی پرو پلان کے تحت 18 سال یا اس سے زائد عمر کے طلبا گوگل کی جدید ترین اے آئی خصوصیات تک رسائی حاصل کر سکیں گے، جن میں درج ذیل فیچرز شامل ہیں۔
اس پلان کے تحت گوگل کے جدیدترین جیمنائی 2.5 ماڈل تک زیادہ رسائی فراہم کی جائے گی، تاکہ طلبا ڈیپ ریسرچ جیسے فیچرز استعمال کر سکیں جو اسائنمنٹس، تحقیق اور تخلیقی منصوبوں میں معاون ثابت ہوتے ہیں۔
جیمنائی گوگل ایپس کی صورت میں اے آئی کی معاونت کو براہِ راست جی میل، شیٹس، ڈاکس(Docs)، سلائیڈز اور میٹ میں شامل کیا گیا ہے، تاکہ طلبا ای میلز کا خلاصہ تیار کر سکیں، مطالعے کے لیے پریزنٹیشنز بنا سکیں اور ڈیٹا کا زیادہ مؤثر طریقے سے تجزیہ کر سکیں۔
نوٹ بک ایل ایم گوگل کا ذاتی نوعیت کا اے آئی سے چلنے والا تحقیقی اور تحریری ٹول ہے، جو طلباء کو 5 گنا زیادہ آڈیو اوور ویوز، نوٹ بکس اور دیگر فیچرز فراہم کرتا ہے۔
کری ایٹ ڈائنامک ویڈیوز: تحریر یا تصاویر سے کام لینے کے لیے زیادہ حدود کے ساتھ جدید ٹولز تک رسائی حاصل ہوگی، جن میں جیمنائی میں شامل ویو 3 اور فلو جیسے فیچرز شامل ہیں۔
2TB کلاؤڈ اسٹوریج: طلبا کو گوگل ڈرائیو، جی میل اور فوٹوز میں وافر اسٹوریج فراہم کی جائے گی، تاکہ وہ اپنے نوٹس، پراجیکٹس، اور دیگر تعلیمی مواد کو محفوظ کر سکیں۔
یہ پیشکش گوگل کے اس وسیع تر مشن کا حصہ ہے جس کا مقصد ہر طالبعلم کو ایسے اے آئی ٹولز فراہم کرنا ہے جن کی انہیں اپنی تعلیم میں پیشرفت اور تخلیقی صلاحیتوں کو اجاگر کرنے کے لیے ضرورت ہے۔
جیمینائی اے آئی پرو پلان اب پاکستان سمیت ایشیا پیسفک خطے کے متعدد ممالک میں دستیاب ہے۔
یونیورسٹی کے اہل طلبا مفت اس پروگرام میں ایک سال تک مفت رسائی کے لیے https: //one.google.com/intl/en/about/articles/google-ai-for-students پر جا کر سائن اپ کر سکتے ہیں اور گوگل کے جدید ترین اے آئی ٹولز کو دریافت کر سکتے ہیں۔
