ریاض (ویب ڈیسک): عازمین حج کو منیٰ اور عرفات پہنچانے کے فرضی تجربے کے دوسرے مرحلے کا آغاز ہوگیا۔سعودی وزارت حج و عمرہ کے مطابق عازمین حج کو گروپوں کی شکل میں منٰی، مزدلفہ اور عرفات( مشاعر مقدسہ ) پہنچانے کے فرضی تجربے کے دوسرے مرحلے کا آغاز کیا گیا ہے۔فرضی تجربے کے دوران 3 ہزار سے زائد بسیں 6 گروپس میں عرفات مشاعر مقدسہ پہنچائی گئیں۔
تین ہزار سے زیادہ بسیں چھ گروپوں کی شکل میں مشاعر مقدسہ پہنچائی گئیں۔ عازمین حج کو منٰی، مزدلفہ اور عرفات پہنچانے کے فرضی تجربے میں 10 ہزار سے زیادہ اہلکار اور متعدد ادارے شامل ہیں۔
معالي د.@tfrabiah، ومعالي د.@asmashat، أثناء تنفيذ التجربة الفرضيّة الثانية؛ التي تحاكي عمليّات نقل وتفويج الحجّاج بالمشاعر المقدّسة. #أذن_بالناس#مكة_والمدينة_في_انتظاركم_بشوق pic.twitter.com/MFUKGqnhq0
— وزارة الحج والعمرة (@HajMinistry) May 23, 2023
وزیر حج و عمرہ ڈاکٹر توفیق الربیعہ نے فرضی تجربے کے دوسرے مرحلے پرمیڈیا سے گفتگو کرتے ہوئے کہا کہ فرضی تجربے کا مقصد ناگہانی بحرانوں سے نمٹنے کی تیاری ہے۔
فرضی تجربے کا دوسرا مرحلہ 15 گھنٹے تک جاری رہا۔ تین ہزار بسیں دو سسٹمز کے تحت مکہ مکرمہ سے منٰی لے جائی گئیں۔ کچھ بسیں شٹل سروس اور دیگر روایتی طریقہ کار کے مطابق کام کر رہی ہیں۔ یہ بسیں 57 ٹرانسپورٹ کمپنیوں کی ہیں۔ ان کے لیے 37 روٹ مقرر ہیں۔ اس عمل میں 107 سروس دفاتر اور 19کمپنیاں شامل ہیں۔ اس سلسلے کا پہلا فرضی تجربہ تین ماہ قبل کیا گیا تھا۔ اس وقت 1300 بسوں کو ایک ساتھ روانہ کیا گیا تھا۔
