مینیسوٹا (ویب ڈیسک): امریکا میں 41 سالہ شخص نے اپنے قد میں محض 5 انچ اضافے کیلئے تکلیف دہ سرجری پر 1 لاکھ 70،000 ڈالرز (1.35 کروڑ) خرچ کرڈالے۔میڈیا رپورٹس کے مطابق امریکی ریاست مینیسوٹا سے تعلق رکھنے والے مسٹر گبسن نے اپنا قد پانچ انچ بڑھانے کے لیے ٹانگوں کو لمبا کرنے کیلئے دو سرجریوں پر 1.35 کروڑ روپے خرچ کردیے ہیں۔
He saved $75,000 for the surgery over the course of three years, working as a software engineer by day and an Uber driver by night in order to make the money…
He underwent the procedure in 2016, which added 3 inches to his height, taking him to 5-foot-8.
Last month, he forked… pic.twitter.com/mols0IZI92
— The Cosmetic Lane (@TheCosmeticLane) April 12, 2023
موسز گبسن جو اپنے 5 فٹ 5 انچ قد کے بارے میں ہمیشہ احساس کمتری کا شکار رہتے تھے، دردناک سرجری کروانے سے پہلے دواؤں سے لے کر روحانی علاج تک ہر چیز کی کوشش کی۔
مسٹر گبسن نے میڈیا کو بتایا کہ انہیں اپنے چھوٹے قد کی وجہ سے کافی کچھ سننا پڑتا تھا جس کی وجہ سے وہ ناخوش تھے۔ انہوں نے بتایا کہ میں قد کو لمبا کرنے کیلئے اپنے جوتوں میں چیزیں ڈالتا تھا۔
موسز گبسن نے اپنی پہلی سرجری کے لیے 75,000 ڈالر (61.48 لاکھ روپے) جمع کرنے کیلئے دن میں ایک سافٹ ویئر انجینئر اور رات کو بطور اوبر ڈرائیور کے تین سال تک کام کیا جس کے بعد 2016 میں پہلی سرجری ہوئی اور قد میں 3 انچ کا اضافہ ہوا۔ تاہم وہ اس سے مطمئن نہیں تھے اور دوسری سرجری کے لیے جانا چاہتے تھے۔
لہٰذا رواں سال گبسن نے ایک بار پھر دوسری سرجری کے لیے $98,000 (80.34 لاکھ روپے) خرچ کیے جس سے ان کے قد میں مزید 2 انچ کا اضافہ ہوا۔
