نیو یارک (ویب ڈیسک): بھارتی نژاد امریکی بزنس مین عالمی بینک کے 14 ویں نئے صدر منتخب ہوگئے۔عالمی بینک کی جانب سے جاری اعلامیہ میں بتایا گیا ہے کہ بینک کے 25 رُکنی ایگزیکٹو بورڈ نے نئے صدر کی منظوری دے دی ہے۔
اعلامیہ کے مطابق اجے پال سنگھ بنگا 5 سال کیلئے عالمی بینک کے صدر کا عہدہ 2 جون کو سنبھالیں گے جبکہ موجودہ صدر ڈیوڈ مالپاس جلد ہی اپنے عہدے سے مستعفیٰ ہو رہے ہیں۔
خبرایجنسی کا کہنا ہے 63 سالہ اجے پال سنگھ بنگا عالمی بینک کی صدارت کے واحد امیدوار تھے۔
واضح رہے کہ بھارتی نژاد امریکی تاجر اجے پال سنگھ بنگا کو امریکی صدر جو بائیڈن نے نامزد کیا تھا۔
