لاہور (شوبز ڈیسک):بھارتی مصنف، شاعر اور نغمہ نگار جاوید اختر نے اپنی اور اداکارہ شبانہ اعظمی کی دوستی پر بات کی ہے۔
لاہور میں فیض فیسٹیول میں شرکت کے دوران جاوید اختر نے جیو نیوز سے گفتگو کے دوران بتایا کہ میں نےایک جگہ لکھا ہےکہ میری اورشبانہ کی دوستی اتنی اچھی ہےکہ شادی بھی اس کاکچھ نہیں بگاڑسکی۔
دوران گفتگو جاوید اختر نے لاہور کی انفرادیت پر بات کرتے ہوئے کہا کہ لاہورمیں عمدہ لوگ ہیں، محافل کمال ہوتی ہیں، آئندہ کبھی بلائیں توایک ہفتے کیلئے بلائیں، تین روز میں میرا کام نہیں بنتا، لوگ اچھےلگنےلگتےہیں اور لاہور سے واپس جانےکاوقت ہوجاتاہے۔
دوسری جانب معروف شاعر فیض کی شاعری پر بات کرتے ہوئے بھارتی نغمہ نگار نے کہا کہ فیض کی شاعری میں چاندنی والی خوبی ہے، چاندنی جہاں گرے منظر خوبصورت کردیتی ہے، جیل کوئی خوبصورت جگہ نہیں لیکن فیض کی شاعری پڑھ کر لگتا ہے کہ جیل جاؤں۔
