لاہور (شوبز ڈیسکٹ): شہر اقبال کے الحمرا آرٹس کونسل میں تین روزہ فیض فیسٹیول آب و تاب کے ساتھ جاری ہے اور دوسرے دن بھارت سے آئے ہوئے معروف شاعر جاوید اختر نے بھی شرکت کی۔
نامور صداکار عدیل ہاشمی ٗ نے ’جادو نامہ‘ کے سیشن میں بھارت سے آئے مہمان شاعر جاوید اختر کے ساتھ گفتگو کی۔
فیض فیسٹیول کے دوسرے روز بھی الحمراء کے تینوں ہالز، ادبی بیٹھک، آرٹ گیلری اور لان ادب و ثقافت سے مہکتے رہے۔
دوسرے دن 30سے زائد سیشنز منعقد ہوئے جن میں مختلف علمی، سماجی اور ثقافتی موضوعات پر اظہار خیالات کیا گیا۔
ایک سیشن میں نامور آرٹسٹ سلیمہ ہاشمی،دانش حسن، اٹل تیواری،مہتاب راشدی ٗ اپنی ثقافت کی مختلف جہتوں پر روشنی ڈالی جبکہ اہم نشست”جنہیں ہم نے دیکھا“ میں ڈاکٹر عارفہ سیدہ نے زہرہ نگاہ سے گفتگو کی۔
خواب کی تتلی کے پیچھے، آج تم بے حساب یاد آئے، دھرتی کی ملکائیں،مرے دل مرے مسافر، فیض کا فیض کے موضوعات پر نشستیں بھی شیڈول کا حصہ تھیں۔
اس موقع پر ذوالفقار زلفی کا کہنا تھا کہ الحمراء فیض فیسٹیول میں مہمانوں اور عوام کو ادب دوست ماحول کی فراہمی میں کوئی کسر نہیں چھوڑے گا۔
