اسلام آباد (ویب ڈیسک): وزیر توانائی اویس لغاری نے تین سو یونٹ تک لائف لائن صارفین کی حد بڑھانے سے متعلق تجویز مسترد کر دی۔قومی اسمبلی اجلاس کے دوران رکن قومی اسمبلی نعیمہ کشور نے اظہار خیال کرتے ہوئے کہا کہ دو سو یونٹ سے ایک یونٹ بڑھتا ہے تو بجلی کا بل کہیں زیادہ بڑھ جاتا ہے، کیا دو سو سے تین سو تک لائف لائن صارف نہیں بن سکتا؟
جس پر وزیر توانائی اویس لغاری نے بتایا کہ تین سو یونٹ تک لائف لائن صارفین کی حد بڑھانے سے 275ارب روپے سبسٹڈی دینا پڑے گی۔
انہوں نے واضح کیا کہ پاکستان اپنی معاشی صورتحال کی وجہ سے 275ارب روپے سبسٹڈی دینے کی پوزیشن میں نہیں۔
