میکسیکو (اسپورٹس ڈیسک): میکسیکو میں ایک فٹبال میچ کے دوران اس وقت انتہائی دلچسپ صورت حال پیدا ہوئی جب ایک کتا گراؤنڈ میں گھس آیا۔فٹبال میچ کے دوران کتے کے گراؤنڈ میں گھس آنے کی ویڈیو سوشل میڈیا پر بھی خاصی وائرل ہو رہی ہے۔
وائرل ویڈیو میں دیکھا جا سکتا ہے کہ میچ جاری تھا کہ اسی دوران ایک کتا گراؤنڈ میں آتا ہے اور جیسے ہی گول کیپر فٹبال پھینکتا ہے تو کتا اسے دانتوں کے دوران دبوچتا ہوا دوڑ لگا دیتا ہے۔
سکیورٹی آفیشلز کی جانب سے بارہا کتے کو پکڑنے کی کوشش بھی کی گئی تاہم کتا پھرتی سے سب کو چکمے دیتا ہوا گراؤنڈ میں دوڑتا رہا اور بالآخر ایک کھلاڑی نے کتے کو پکڑ کر فٹبال واپس لیا جس کے بعد کھیل کا دوبارہ آغاز ہوا۔
