کراچی (اسپورٹس ڈیسک): اوور 40 کرکٹ گلوبل کپ 2023 میں پاکستان نےکینیڈا کو ہرا کر مسلسل پانچویں فتح حاصل کرلی۔نیشنل اسٹیڈیم کراچی میں کھیلےگئے میچ میں پاکستان نےکینیڈا کو 78 رنز سے ہرا کر مسلسل پانچویں فتح حاصل کی۔
پاکستان نے پہلے بیٹنگ کرتے ہوئے 8 وکٹ پر 312 رنزبنائے، پاکستان کی جانب سے عبدالرزاق 70 رنز بنا کر نمایاں رہے۔
ان کے علاوہ رضوان اسلم نے47، حسن رضا نے 42 اور جنید خلیل نے 31 رنز بنائے.
313 رنز کے ہدف کے تعاقب میں کینیڈین ٹیم مقررہ اوورز میں7 وکٹ پر 234 رنز بناسکی۔
کینیڈا کے ٹائرون 61 رنز بنا کر ناقابل شکست رہے، ایاز علی نے47 اور طلال اقبال نے 39 رنز بنائے۔
پاکستان کی جانب سے حسن رضا نے دو وکٹیں حاصل کیں۔
