کراچی (ویب ڈیسک): کراچی کو پینے کا پانی سپلائی کرنے والے دھابے جی پمپنگ اسٹیشن پر بجلی کے بریک ڈاؤن کی وجہ سے 72 انچ قطر کی دو لائنیں متاثر ہوگئیں۔
ترجمان واٹر بورڈ کے مطابق اطلاع ملنے پر حکام نے موقع پر پہنچ کر متاثرہ لائنوں کا معائنہ کیا اور متاثرہ لائنوں کی بحالی کا کام ہنگامی بنیادوں پر مکمل کیا جارہا ہے۔
چیف انجینئر بلک سکندر زرداری کے مطابق متاثرہ لائن نمبر ایک پی آر آر سی کا مرمتی کام اگلے چار روز اور لائن نمبر پانچ کا مرمتی کام اگلے 24 گھنٹوں میں مکمل کرلیا جائے گا۔
چیف انجینئر نے بتایا کہ لائنوں کے متاثر ہونے کی وجہ سے کم پمپس چل رہے ہیں تاہم کراچی کو پانی کی فراہمی متبادل پمپس سے شروع کردی گئی ہے۔
