(ویب ڈیسک ):سندھ اور بلوچستان کے پہاڑی سلسلے میں حالیہ بارشوں سے حب ڈیم مکمل طور پر بھرنے میں صرف ڈیڑھ فٹ کی سطح باقی رہ گئی ہے۔ تین روز میں حب ڈیم میں پانی کی سطح 9 فٹ بلند ہوچکی ہے، 22 جولائی کو حب ڈیم میں پانی کی سطح 329 فٹ سے زائد تھی، منگل کی صبح 10 بجے حب ڈیم میں پانی کا لیول 337 فٹ کا نشان عبور کرگیا۔
سندھ، بلوچستان میں بارشیں: حب ڈیم مکمل بھرنے میں 3 فٹ کی سطح باقی
حب ڈیم میں پانی ذخیرہ کرنے کی گنجائش 339 فٹ ہے، کیچمنٹ ایریا سے حب ڈیم میں پانی کی آمد کا سلسلہ جاری ہے۔
واضح رہے کہ گزشتہ سال کی طرح اس سال بھی حب ڈیم پانی سے مکمل بھرنے کا امکان ظاہر کیا گیا ہے، ڈیم مکمل بھرنے سے پانی اسپل ویز سے نکلنا شروع ہو جائے گا۔
حب ڈیم سے نکلنے والا اضافی پانی حب ندی کے راستے سمندر میں جا گرے گا۔
