چنئی (ہیلتھ ڈیسک): بھارت میں ڈاکٹروں نے کامیاب آپریشن کے بعد خاتون کے پِتے سے 1200 سے زائد پتھر نکال دیے۔
بھارتی میڈیا رپورٹس کے مطابق چنئی میں مغربی بنگال کی ایک 55 سالہ خاتون کے پتے سے 1200 سے زیادہ چھوٹی پتھریاں نکالی گئیں۔
Chennai doctors remove over 1200 gallstones from woman, photos go viral#Chennai #Doctor #Gallstones #Viral #ItsViral #Trending #TrendingNow pic.twitter.com/bdl9EFseGF
— HT City (@htcity) February 21, 2023
رپورٹس میں بتایا گیاہے کہ خاتون پیٹ پھولنے اور بدہضمی کی شکایت کے ساتھ چنئی کے اسپتال گئی جہاں اسکین سے پتہ چلا کہ اس کے پتے میں پتھریاں موجود ہیں۔
تاہم ڈاکٹروں کی ایک ٹیم نے فوری طور پر خاتون کا آپریشن کرکے پتھر نکالنے کا فیصلہ کیا، ڈاکٹروں کے مطابق 1240 پتھروں کا سائز 2 ملی میٹر سے بڑا تھا۔
آپریشن کرنے والی ٹیم کے ایک ڈاکٹر کا کہنا ہے کہ میں نے اپنے 20 سالہ کیریئر میں کسی کے جسم میں اتنی زیادہ پتھریاں کبھی نہیں دیکھیں۔
رپورٹس کے مطابق کامیاب آپریشن کے 2 دن بعد خاتون کو اسپتال سے گھر بھیج دیا گیا اور وہ اب بالکل صحتیاب ہیں۔
