کوئٹہ (اسپورٹس ڈیسک): 34 ویں نیشنل گیمز میں میڈلز ٹیبل پر آرمی کی برتری برقرار ہے۔کوئٹہ میں جاری 34 ویں نیشنل گیمز میں مختلف کھیلوں کے مقابلے جاری ہیں، میڈل ٹیبل کے مطابق پاکستان آرمی سب سے آگے ہیں۔آرمی کے ایتھلیٹس نے سونے کے 14، چاندی کے 15 اور کانسی کا ایک میڈل جیتا ہے جبکہ نیوی کا دستہ 7 گولڈ، 9 سلور اور 8 برانز میڈل کے ساتھ دوسری پوزیشن پر ہے۔
واپڈا نے اب تک 7 گولڈ، 3 سلور اور 3 برانز میڈلز حاصل کیے ہیں، اس کے علاوہ پاکستان ائیرفورس کی ٹیم نے ایک گولڈ، اور 4 برانز میڈل حاصل کیے ہیں جبکہ ہائر ایجوکیشن کمیشن نے ایک سلور اور 7 برانز میڈلز حاصل کیے ہیں۔
پنجاب نے ایک سلور میڈل اور ایک برانز میڈل جیتا ہے جبکہ کے پی اور ریلویز کے کھلاڑی نیشنل گیمز میں اب تک تین، تین برانز میڈل حاصل کر چکے ہیں۔
