اسلام آباد / سینٹ پیٹرزبرگ (ویب ڈیسک): پاکستان اور روس کے درمیان کسٹمز کے درمیان شماریاتی ڈیٹا کے تبادلے کیلیے مفاہمت کی یادداشت پر دستخط کر دیے۔پاکستان میں روسی سفارت خانہ سے جاری تفصیلات کے مطابق پاکستان اور روس نے سینٹ پیٹرزبرگ انٹرنیشنل اکنامک فورم کے موقع پر جو 14 سے 17 جون تک ہو رہا ہے پاکستان کسٹمز دی فیڈرل کسٹمز سروس (روسی فیڈریشن)کے درمیان معاہدہ ہوا۔
رشین فیڈریشن میں پاکستان کے سفیر شفقت علی خان نے پاکستان کسٹمز کی جانب سے ایم او یو پردستخط کئے ، سیکرٹری کامرس محمد صالح فاروقی اور ماسکو میں پاکستانی سفارتخانہ میں منسٹر ٹریڈ اینڈ انویسٹمنٹ شوکت حیات چیمہ بھی موجود تھے۔
مفاہمت کی یادداشت پر عملدرآمد کیلئے فریقین بیرونی تجارت کے اعدادوشمار مرتب کرنے کیلئے بروئے کار لائے جانے والے طریقہ کار کے بارے میں معلومات کے تبادلے، اس کی نمایاں تبدیلیوں اور اس کے ساتھ ساتھ باہمی تجارت کے بارے میں شماریاتی اعدادوشمار کے تبادلے ماسوائے اس ڈیٹا کے جو ریاست یا تجارتی رازداری کے دائرہ کار میں آتا ہو، کے شعبہ میں تعاون کریں گے۔
