کراچی (ویب ڈیسک): مسلم لیگ فنشکنل اور گرینڈ ڈیموکریٹک الائنس (جی ڈی اے) کے صدر صبغت اللہ شاہ راشدی (پیر پگارا) نے کہا ہے کہ الیکشن میں دھاندلی اور نتائج تبدیل آر او نے نہیں بلکہ کسی اور نے کیے۔کنگری ہاؤس کراچی میں جی ڈی اے کے خصوصی اجلاس میںفیصلہ کیا گیا کہ ہم اس الیکشن کو یکسر مسترد کرتے ہیں؛ بوگس الیکشن کے خلاف جی ڈی اے کی جانب سے 16 تاریخ کو حیدرآباد جامشورو ٹول پلازہ پر پیر پگھاری کی قیادت میں دھرنا دیا جائے گا۔اسمبلی کی حلف برداری کے دن سندھ اسمبلی کا گھیراؤ کیا جائے گا۔جی ڈی اے کے دو منتخب ارکان حلف نہیں اٹھائیں گے۔
کراچی میں پگارا ہاؤس میں میڈیا سے گفتگو کرتے ہوئے پیر پگارا نے کہا کہ مجھے تقریر کرنی نہیں آتی، یہ جو الیکشن ہوا ہے بدترین حکومت کے بعد بھی یہ نتائج آئے، ہم اہسے الیکشن کو مسترد کرتے ہیں۔
انہوں نے کہا کہ یہ ریاست مخالف الیکشن تھا اور میں اسے ریاست مخالف اسلیے کہتا ہوں کہ 1971 کی طرح کے انتخابات تھے، اُس وقت شیخ مجیب کے پاس ایک سو سات سیٹس تھی جبکہ بھٹو صاحب کے پاس 60 سیٹس تھیں اور مینڈیٹ کو تسلیم نہیں کیا گیا۔
پیرپگارا نے کہا کہ ’مجھے الیکشن سے پہلے کسی دوست نے مشورہ دیا کہ جی ڈی اے ختم کردو، جس پر میں نے انکار کیا تو مجھے پیش کش کی گئی کہ زرداری صاحب کے ساتھ الائنس بنا لو تو فنکشنل لیگ کی سیٹیں مل جائیں گی اور اگر ایسا نہ ہوا تو جی ڈی اے کے سامنے صفر جبکہ ایم کیو ایم کے سامنے 15 لکھا ہوا ہے‘۔
انہوں نے نتائج میں تبدیلی اور مبینہ دھاندلی پر کہا کہ ’یہ سب آر اوز کا کام نہیں ہے بلکہ کسی اور کا ہے‘۔
گرینڈ ڈیموکریٹک الائنس کے رہنما صفدر عباسی نے بتایا کہ الیکشن میں دھاندلی اور نتائج تبدیلی کے خلاف جمعہ کو 11 بجے حیدر آباد بائی پاس پر احتجاج ریکارڈ کرائیں گے، ہم اس اسمبلی کو قبول نہیں کریں گے۔
