نواب شاہ (ویب ڈیسک): پیپلزپارٹی نے آصف علی زرداری کے صدر مملکت بننے کے بعد ان کی خالی کی گئی نشست حلقہ این اے 207 شہید بینظیر آباد (نواب شاہ) سے ان کی بیٹی آصفہ بھٹو زرداری کو الیکشن لڑوانے کا فیصلہ کیا ہے۔
آصفہ بھٹو زرداری نے این اے 207 سے الیکشن لڑنے کے لیےکاغذات نامزدگی بھی جمع کرادیے ہیں، حلقے میں ضمنی انتخاب 21 اپریل کو ہوگا۔
بی بی آصفہ بھٹو زرداری نے نوابشاہ میں ریٹرننگ افسر کے دفتر پہنچ کر نامزدگی فارم جمع کرائے . اس موقعے پر سندھ کی وزیرِ صحت ڈاکٹر عذرا فضل پیچوہو اور دیگر پارٹی رہنما بھی موجود تھے
این اے 207 سے عام انتخابات میں صدرمملکت آصف علی زرداری منتخب ہوئے تھے.
آصف علی زرداری نے 8 فروری کے الیکشن میں اس حلقے سے آزاد امیدوار شیر محمد رند کو شکست دےکر کامیابی حاصل کی تھی۔
