واشنگٹن / لندن(ویب ڈیسک): امریکی ترجمان جان کربی نے کہا ہے کہ ایران کی جانب سے بڑے حملے کیلئے ہمیں تیار رہنا چاہیے۔امریکا کی قومی سلامتی کے ترجمان جان کربی نے کہا کہ اسرائیل اپنا دفاع کرسکتا ہے اور اسرائیل کو دفاع میں مدد کیلئے امریکا بھی موجود ہے۔ دوسری جانب مشرقِ وسطیٰ میں کشیدگی کم کرنے کیلئے برطانوی وزیراعظم سر کئیراسٹارمر کی ایرانی صدر سے بات چیت ہوئی ہے۔
پاسداران انقلاب کے ترجمان کا کہنا ہے کہ حماس رہنما اسماعیل ہنیہ کے قتل کا بدلہ ضرور لیا جائے گا۔میڈیا رپورٹس کے مطابق مشرق وسطیٰ میں کشیدہ صورتحال کے پیش نظر عراق سے امریکی فوج کے مکمل انخلا کا امکان ہے
ایرانی میڈیا کے مطابق عراقی وزیرخارجہ اگلے ہفتے امریکا جائیں گے، باضابطہ اعلان واشنگٹن میں ہوگا۔
دوسری جانب مشرقِ وسطیٰ میں کشیدگی کم کرنے کیلئے برطانوی وزیراعظم سر کئیراسٹارمر کی ایرانی صدر سے بات چیت ہوئی ہے۔
وزیراعظم ہاؤس برطانیہ کے مطابق دونوں رہنماؤں کے درمیان بات چیت کے دوران سر کئیر اسٹارمر نے کہا کہ ایران، اسرائیل پر حملے سے باز رہے، جنگ کسی کے مفاد میں نہیں۔برطانیہ کے وزیراعظم نے مشرق وسطیٰ کی صورتحال پر گہری تشویش کا بھی اظہار کیا۔
برطانوی میڈیا کے مطابق برطانوی وزیراعظم نے ایرانی صدر مسعود پزشکیان سے فون پر 30 منٹ تک بات چیت کی۔برطانوی میڈیا کے مطابق وزیراعظم کئیر اسٹارمر نے ایرانی صدر سے رابطے سے قبل امریکی صدر اور یورپین اتحادی ممالک کے رہنماؤں سے بھی تبادلہ خیال کیا۔
