ٹھٹہ (ویب ڈیسک): ٹھٹہ میں قومی شاہرہ پر پکنک کے لیے کینجھر جھیل جانے والی بس کو حادثہ پیش آیا جس کے نتیجے میں 6 افراد جاں بحق ہوگئے۔نجی ٹی وی چینل کے مطابق بس ٹھٹہ میں قومی شا ہراہ درسگاہ محمد علی کے مقام پر بس تیز رفتاری کے باعث الٹ گئی جس کے نتیجے میں میں 6 افراد جاں بحق جبکہ 20 سے زائد زخمی ہو گئے ۔
ریسکیو ذرائع کے مطابق پکنک بس کراچی سے کینجھر جھیل جار ہی تھی کہ اس دوران حادثہ پیش آیا۔
ٹھٹھہ کے علاقے مکلی کے قریب درگاہ محمد علی پیر کے قریب کینجھر جھیل کی زیارت کے لیے آنے والی کورنگی سے کراچی جانے والی بس الٹ گئی، جس کے نتیجے میں 6 مسافر جاں بحق اور 30 زخمی ہوگئے۔
جاں بحق افراد کی لاشوں اور زخمیوں کو سول اسپتال مکلی منتقل کر دیا گیا ہے۔ جاں بحق ہونے والوں میں اسد اللہ، ارباب، محمد رؤف، بشیر، احسان اللہ اور ابرار علی شامل ہیں۔
یاد رہے کہ کراچی کے رہائشی کینجھر جھیل کی سیر کے لیے جارہے تھے کہ حادثہ پیش آیا۔ جبکہ زخمیوں کے ناموں کا پتہ نہیں چل سکا۔
