امریکی طیارہ حادثے سے بال بال بچ گیا، لینڈنگ گیئرمیں آگ بھڑک اٹھی، مسافروں کا ہنگامی انخلا

ڈینور- امریکا (ویب ڈیسک): امریکا کے شہر ڈینور میں طیارے کے لینڈنگ گیئر میں آگ لگنے کے باعث مسافروں کو ہنگامی انخلا کرنا پڑا جس کی ویڈیو سوشل میڈیا پر وائرل ہو رہی ہے۔ ایوی ایشن حکام کے مطابق بوئنگ سیون تھری سیون کے لینڈنگ گیئر میں ممکنہ خرابی اور دھواں اٹھنے پر مسافروں اور عملے کو سلائیڈ کے ذریعے طیارے سے باہر نکالا گیا۔

ایوی ایشن حکام نے بتایا کہ آگ لگنے کی اطلاع ملتے ہی فائر ڈپارٹمنٹ کا عملہ فوری موقع پر پہنچا اور بروقت کارروائی کرتے ہوئے آگ بجھائی۔

ایوی ایشن حکام نے مزید بتایا کہ حادثہ طیارے کے اڑان بھرنے سے پہلے پیش آیا، پرواز میں میں173 مسافر اور عملے کے ارکان سوار تھے، واقعے میں کوئی جانی نقصان نہیں ہوا۔