کراچی: صدر مملکت نے وزیر مملکت شہادت اعوان کے کرمنل لاء ترمیمی بل 2022 پر دستخط کردیئے. کرمنل لاء (ترمیمی) بل 2022ء کو سینیٹ میں وزیر مملکت برائے قانون سینیٹر شہادت اعوان نے پیش کیا تھا.
پاکستان پینل کوڈ کے سیکشن 325 کے تحت خودکشی یا اس کی کوشش کرنے کو جرم قرار دیا جاتا ہے، اس کی سزا ایک سال جیل، جرمانہ یا دونوں کی سزائیں لاگو ہوتی ہیں۔
خودکشی کی کوشش انتہائی مایوسی کی حالت میں کی جاتی ہے،اس لئے پاکستان پینل کوڈ سے خودکشی کی کوشش کرنے پر سزا کی شق کو ختم کیا جانا چاہیئے۔
خودکشی کی کوشش کرنے والے کو سزا کی بجائے اسکا علاج کروایا جانا چاہیے، ریاست کو ایسے شخص کے ساتھ ماں جیسا سلوک اختیار کرنا چاہیے۔ ریاست ڈپریشن اور نفسیاتی بیماریوں میں مبتلا افراد کو تحفظ دے۔
صدر پاکستان نے اقدام خودکشی کو تعزیرات پاکستان میں بطور جرم دفعہ 325 کو حذف کرنے کے ترمیمی بل پر دستخط کر دیے.
