کراچی (ویب ڈیسک) سندھ حکومت نے ایڈمنسٹریٹرز کی تقرری کا حکم نامہ معطل کرنے کا فیصلہ کیا ہے۔ ذرائع کے مطابق سندھ حکومت نے کراچی کی ایسٹ، کورنگی اور حیدرآباد میونسپل کارپوریشنز کے ایڈمنسٹریٹرز کے تقرری کے احکامات معطل کرنے کا فیصلہ کیا ہے جس کے تحت تینوں ایڈمنسٹریٹرز کو ان کے عہدوں سے ہٹا دیا جائے گا۔
ذرائع کا کہنا ہے کہ سندھ حکومت ایڈمنسٹریٹرز کو ہٹانے کے معاملے پر ایم کیو ایم کو بھی اعتماد میں لے گی۔
واضح رہے کہ الیکشن کمیشن نے تینوں افسران کی تقرری کو خلاف ضابطہ قرار دیا تھا جب کہ سندھ ہائی کورٹ نے سندھ کے چیف سیکریٹری اور محکمہ بلدیات کے سیکریٹری کو کل ذاتی حیثیت میں طلب کرلیا ہے۔
