کراچی (ویب مانیٹرنگ ڈیسک): پاکستان نے فخرزمان کی سنچری اور محمد رضوان کی نصف سنچری کی بدولت نیوزی لینڈ کے خلاف تیسرے ون ڈے میچ میں پہلے بیٹنگ کرتے ہوئے 37 اوورز میں 4 وکٹوں پر 194 رنز بنا لیے۔
کراچی میں کھیلے جارہے سیریز کے تیسرے اور فیصلہ کن ون ڈے میچ میں پاکستان نے ٹاس جیت کر نیوزی لینڈ کو باؤلنگ کی دعوت دی۔
ٹاس کے موقع پر بابر اعظم نے کہا کہ وکٹ بیٹنگ کے لیے سازگار لگ رہی ہے اس لیے ہم زیادہ سے زیادہ رنز بنانے کی کوشش کریں گے۔
پاکستانی اوپنرز نے ایک مرتبہ پھر ناقص آغاز فراہم کیا، اس دفعہ سیریز میں اپنا پہلا میچ کھیلنے والے شان مسعود دوسرے اوور میں صفر پر فرگوسن کی وکٹ بن گئے۔
کپتان بابراعظم بھی جلدی آؤٹ ہوئے، کیوی باؤلر بریسویل نے میزبان ٹیم کے کپتان کو ساتویں اوور میں اس وقت آؤٹ کیا جب ٹیم کا اسکور محض 21 رنز تھا اور انہوں نے صرف 4 رنز بنائے تھے۔
کپتان اور نائب کپتان کے پویلین لوٹ جانے کے بعد محمد رضوان نے فخرزمان کے ساتھ مل کر ٹیم کو مشکل سے نکال دیا۔ محمد رضوان نے اس شراکت کے دوران اپنی نصف سنچری بھی مکمل کی۔
ٹیم کا اسکور پر 33 ویں اوور میں 175 رنز پر پہنچا تھا کہ رضوان کی 77 رنز کی اننگز کا خاتمہ کیا، جس میں 6 چوکے شامل تھے اور اش سودھی نے ان کی وکٹیں اڑا دیں۔
فخرزمان نے حارث سہیل کے ساتھ مختصر شراکت کی لیکن طویل عرصے بعد اپنی سنچری بنائی جو نیوزی لینڈ کے خلاف پہلی سنچری ہے۔
Scoring big in the series-decider 💫
Well played, @FakharZamanLive 👏#PAKvNZ | #TayyariKiwiHai pic.twitter.com/Qkn8usQNJb
— Pakistan Cricket (@TheRealPCB) January 13, 2023
تجربہ کار اوپنر 122 گیندوں پر 10 چوکوں اور ایک چھکے کی مدد سے 101 رنز کی اننگز کھیلنے کے بعد نیکولس کی اچھی فیلڈنگ کے باعث رن آؤٹ ہوگئے۔
